រដ្ឋបាលខេត្តកំពត

Kampot Administration

កិច្ចប្រជុំពិភាក្សាអំពីការអង្កេតការណ៍ប្រឡងសញ្ញាបត្រមធ្យមសិក្សាទុតិយភូមិសម័យប្រឡង២១ធ្នូ ឆ្នាំ២០២០ សម្រាប់ឆ្នាំសិក្សា២០១៩-២០២០

ដោយ savuthចំនួនទស្សនា (119)

ព្រឹកថ្ងៃពុធ ១០កើត ខែមិគសិរ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៥ ខែវិច្ឆិកា ឆ្នាំ២០២០ លោក អ៊ឹង ឆាយ អភិបាលរងខេត្ត និងលោកស្រី យូ សុគន្ធ អភិបាលរងខេត្ត តំណាងឯកឧត្តម ជាវ តាយ អភិបាលនៃគណៈអភិបាលខេត្តកំពត បានអញ្ជើញចូលរួមកិច្ចប្រជុំពិភាក្សាអំពីការអង្កេតការណ៍ប្រឡងសញ្ញាបត្រមធ្យមសិក្សាទុតិយភូមិសម័យប្រឡង២១ធ្នូ ឆ្នាំ២០២០ សម្រាប់ឆ្នាំសិក្សា២០១៩-២០២០ ជាមួយក្រុមការងារអង្គភាពប្រឆាំងអំពើពុករលួយដឹកនាំដោយ ឯកឧត្តម កែវ ធីវុធ ឧបការីអនុរដ្ឋលេខាធិការ នៅសាលាខេត្តកំពត។

សមាសភាពអញ្ជើញចូលរួមនាព្រឹកនេះរួមមាន លោកស្រីនាយករងរដ្ឋបាលខេត្ត លោកប្រធានមន្ទីរអប់រំយុវជន និងកីឡាខេត្ត លោកស្នងការរង លោកមេបញ្ជាការរងកងកម្លាំងទាំងបី លោកអនុប្រធានមន្ទីរសុខាភិបាលខេត្ត លោកអភិបាលស្រុកទឹកឈូ លោកអភិបាលរងក្រុងកំពត លោក លោកស្រីនាយក នាយករងទីចាត់ការ ប្រធាន អនុប្រធានអង្គភាពចំណុះសាលាខេត្តកំពត តំណាងសហភាពសហព័ន្ធយុវជនកម្ពុជាខេត្តកំពត។

ក្នុងស្មារតីចូលរួមទប់ស្កាត់ការរីករាលដាលនៃជំងឺកូវីដ-១៩ ដែលអាចប៉ះពាល់ដល់ដំណើរការប្រឡង ក្រសួងអប់រំ យុវជន និងកីឡាបានចេញសេចក្តីណែនាំលេខ២០ អយក.សណន ចុះថ្ងៃទី០៨ ខែមេសា ឆ្នាំ២០២០ ស្តីពីការពន្យាពេលរៀបចំការប្រឡងសញ្ញាបត្រមធ្យមសិក្សាទុតិយភូមិសម្រាប់ឆ្នាំសិក្សា២០១៩-២០២០។

ក្រោមការដឹកនាំប្រកបដោយការយកចិត្តទុកដាក់ខ្ពស់ ការទប់ស្កាត់ និងដាក់ចេញនូវវិធានការបន្ទាន់ ទាន់ពេលវេលា របស់រាជរដ្ឋាភិបាលកម្ពុជា ពិសេសសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ស្ថានភាពនៃជំងឺកូវីដ-១៩ មានការធូរស្រាល ក្រសួងអប់រំយុវជន និងកីឡា តាមរយៈលិខិតលេខ៤៥ អយក.សណន ចុះថ្ងៃទី០២ ខែកញ្ញា ឆ្នាំ២០២០ បានកំណត់យកថ្ងៃទី២១ ខែធ្នូ ឆ្នាំ២០២០ សម្រាប់រៀបចំការប្រឡងសញ្ញាបត្រមធ្យមសិក្សាទុតិយភូមិសម្រាប់ឆ្នាំសិក្សា២០១៩-២០២០។

សូមជម្រាបថាខេត្តកំពតមានមណ្ឌលប្រឡងចំនួន១០មណ្ឌល ត្រូវជា២១១បន្ទប់ បេក្ខជនចំនួន៥,២៥៨ នាក់ ស្រីចំនួន ២,៧០១ នាក់ ដែលចែកចេញជា ថ្នាក់វិទ្យាសាស្ត្រមាន៣មណ្ឌល ៥៥បន្ទប់ បេក្ខជនចំនួន ១,៣៥៨ នាក់, ថ្នាក់វិទ្យាសាស្ត្រសង្គមមាន៧ មណ្ឌល ១៥៦បន្ទប់ បេក្ខជនចំនួន ៣,៩០០នាក់។

បណ្ណាល័យព័ត៌មាន
សេវាពេញនិយម
សេវាថ្មីៗ
ប៉ូលីស117
អគ្គីភ័យ666
សង្គ្រោះ119
H1N1 Hotline 012 488 981
012 836 868
KAMPOT PROVINCE WEATHER
ព័ត៌មានជាប់ទាក់ទង

លេខ៧៣៥ ភូមិ១ ឧសភា សង្កាត់កំពង់កណ្តាល ក្រុងកំពត ខេត្តកំពត

អ៊ីមែល : info@kampot.gov.kh

លេខទូរស័ព្ទ : (+855)33 932 894

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពត

កែប្រែចុងក្រោយ : 19 ម៉ោងមុន