![](https://asset.cambodia.gov.kh/provincial/sites/4/2021/11/FB_IMG_1636723709179-1024x678.jpg)
នារសៀលថ្ងៃទី១២ ខែវិច្ឆិកា ឆ្នាំ២០២១ នៅសាលាខេត្តកំពត សាខាកាកបាទក្រហមកម្ពុជាខេត្ត បានបេីកកិច្ចប្រជុំ បូកសរុបលទ្ធផលការងារសម្រេចបាន៩ខែ និងលេីកទិសដៅអនុវត្តបន្ត ត្រីមាសទី៤ ឆ្នាំ២០២១ ក្រោមអធិបតីភាពឯកឧត្តម ម៉ៅ ធនិន អភិបាលនៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តកំពត ដែលមានការអញ្ជើញចូលរួមពីសមាជិក សមាជិកា គណៈកម្មាធិការសាខា ក្រុមប្រតិបត្តិសាខា ក្រុមកាកបាទក្រហមមន្ទីរ អង្គភាព អនុសាខា ក្រុង ស្រុក ទាំង៩ ។
គោលបំណងនៃកិច្ចប្រជុំនេះ គឺដើម្បីពិនិត្យមើលលទ្ធផលការងារដែលសម្រចបាន កន្លងមក ក៍ដូចជាបញ្ហាប្រឈមនានាដែលសាខាជួបប្រទះ និងធ្វើការដោះស្រាយនូវសំណូមពរមួយចំនួន ដែលមាននៅក្នុងសាខា និងអនុសាខា។
ក្នុងកិច្ចប្រជុំ ឯកឧត្តម ម៉ៅ ធនិន បានមានប្រសាសន៍ថា គ្រប់ក្រុងស្រុកដែលងាយប្រឈមនឹងគ្រោះធម្មជាតិឱ្យត្រៀមគ្រប់លក្ខណ:ដើម្បីងាយស្រួលចុះអន្តរាគមន៍ពេលហេតុការណ៍កើតឡើងដោយគ្មានព្រាងទុក។ ឯកឧត្ដមប្រធានបន្តថា ជាធម្មតាភូមិសាស្ត្រនៃក្រុងស្រុកនីមួយៗមិនដូចគ្នាទេ។ ម្ល៉ោះហើយផលអាក្រក់ដែលទទួលរងពីគ្រោះធម្មជាតិរមែងមានលក្ខណ:ខុសប្លែកគ្នា។ ឯកឧត្តមបានបន្ថែមទៀតថា តំបន់ជាប់ភ្នំតែងជួបប្រទះនូវព្យុះភ្លៀងបោកបក់បង្កជាជំនន់លិចលង់ភូមិឋានស្រែចម្ការយ៉ាងឆាប់រហ័ស។ ដោយឡែកតំបន់មាត់សមុទ្ររមែងទទួលរងនូវខ្យល់កន្ត្រាក់ ផ្គររន្ទះងាយប្រឈមនឹងគ្រោះថ្នាក់ដូចជារលំផ្ទះសម្បែង ប៉ះពាល់អាយុជីវិតមនុស្សសត្វជាដើម។ ឯកឧត្តម ម៉ៅ ធនិន បានណែនាំថា ជាការប្រុងប្រយ័ត្នជុំវិញករណីទាំងនេះ គ្រប់អនុសាខាក្រុងស្រុកដែលប្រឈមទាំងនេះចាំបាច់ត្រូវតែត្រៀមគ្រប់លក្ខណ:ដើម្បីងាយស្រួលចុះអន្តរាគមន៍ពេលហេតុការណ៍កើតឡើង។ ជាធម្មតា មហន្តរាយបង្កឡើងដោយគ្រោះធម្មជាតិមិនអាចនរណាម្នាក់បានដឹងមុននោះទេ។ ដូច្នេះអ្វីដែលត្រូវត្រៀមជាមុនរួមមានមធ្យោបាយសង្គ្រោះបន្ទាន់ ស្បៀងអាហារ បរិក្ខាសុខាភិបាលជាដើម៕
![](https://asset.cambodia.gov.kh/provincial/sites/4/2021/11/FB_IMG_1636723711201-1024x682.jpg)
![](https://asset.cambodia.gov.kh/provincial/sites/4/2021/11/FB_IMG_1636723713283-1024x672.jpg)
![](https://asset.cambodia.gov.kh/provincial/sites/4/2021/11/FB_IMG_1636723715020-1024x682.jpg)
![](https://asset.cambodia.gov.kh/provincial/sites/4/2021/11/FB_IMG_1636723716827-1024x682.jpg)
![](https://asset.cambodia.gov.kh/provincial/sites/4/2021/11/FB_IMG_1636723718676-1024x674.jpg)
![](https://asset.cambodia.gov.kh/provincial/sites/4/2021/11/FB_IMG_1636723727026-1024x682.jpg)
![](https://asset.cambodia.gov.kh/provincial/sites/4/2021/11/FB_IMG_1636723720935-1024x682.jpg)
![](https://asset.cambodia.gov.kh/provincial/sites/4/2021/11/FB_IMG_1636723729173-1024x682.jpg)
![](https://asset.cambodia.gov.kh/provincial/sites/4/2021/11/FB_IMG_1636723725005-1024x682.jpg)
![](https://asset.cambodia.gov.kh/provincial/sites/4/2021/11/FB_IMG_1636723731395-1024x682.jpg)
![](https://asset.cambodia.gov.kh/provincial/sites/4/2021/11/FB_IMG_1636723733650-1024x682.jpg)
![](https://asset.cambodia.gov.kh/provincial/sites/4/2021/11/FB_IMG_1636723735620-1024x682.jpg)
![](https://asset.cambodia.gov.kh/provincial/sites/4/2021/11/FB_IMG_1636723737715-1024x682.jpg)