ព្រឹកថ្ងៃអង្គារ ១៥កើត ខែភទ្របទ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ២១ ខែកញ្ញា ឆ្នាំ២០២១ ឯកឧត្តម ជាវ តាយ អភិបាលខេត្តកំពត បានទទួលជួបជាមួយប្រជាពលរដ្ឋ ចំនួន១៨គ្រួសារ មកពីសង្ការបឹងទូក សង្កាត់កោះតូច និងសង្កាត់ព្រែកត្នោត ដែលមានទំនាស់ជាមួយដីរបស់រដ្ឋ ទាមទារឲ្យកាត់ឆ្វៀលដីជូនពួកគាត់ ដែលអ្នកខ្លះស្ថិតក្នុងឧទ្យានជាតិព្រះមុនីវង្សបូកគោ ដែលបានចុះបញ្ជីដីរដ្ឋជូនក្រសួងបរិស្ថាន និងក្រៅឧទ្យានជាតិ និងខ្លះទៀតក្នុងគម្របព្រៃឈើឆ្នាំ២០០២។
