![](https://asset.cambodia.gov.kh/provincial/sites/4/2021/05/IMG_20210525_153436_280-1024x682.jpg)
នៅព្រឹកថ្ងៃអង្គារ ១៤កើត ខែជេស្ឋ ឆ្នាំឆ្លូវ ត្រីស័ក ព.ស. ២៥៦៥ត្រូវនឹងថ្ងៃទី ២៥ ខែឧសភា ឆ្នាំ២០២១
ឯកឧត្តម ជាវ តាយ អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជា ខេត្តកំពត បានអញ្ជើញទទួលថវិកាចំនួន១០,០០០ដុល្លារអាមេរិក (ដប់ពាន់ដុល្លារអាមេរិក) ដែលជាអំណោយសប្បុរសធម៌ ពីលោកឡាយ ពីន និងលោកស្រី ក្នុងឱកាសអបអរសាទរខួបទី១៥៨ ទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា ឆ្នាំ២០២១ ក្រោមប្រធានបទ " ទាំងអស់គ្នារួមជាមួយកាកបាទក្រហមកម្ពុជា ប្រយុទ្ធនឹងជំងឺកូវីដ-១៩ និងកសាងភាពធន់របស់សង្គមជាតិ " ពិធីនេះប្រារព្ធធ្វើឡើងនៅក្នុងបរិវេណសាលាខេត្តកំពត ។
ក្នុងឱកាសនោះដែរ ឯកឧត្តម បានថ្លែងអំណរអរគុណយ៉ាងជ្រាលជ្រៅចំពោះទឹកចិត្តសប្បុរសធម៌របស់លោក ឡាយ ពីន ដែលបាននាំយកនូវថវិកាមកប្រគល់ជូនដល់សាខា ហើយសាខានិងយកថវិកាទាំងនេះចាត់ចែងតាមតម្រូវការ ដើម្បីជួយដល់ជនងាយរងគ្រោះទាំងឡាយ ឲ្យស្របតាមគោលការណ៍គ្រឹះទាំង៧ប្រការរបស់ចលនាកាកបាទក្រហម៕
![](https://asset.cambodia.gov.kh/provincial/sites/4/2021/05/IMG_20210525_153438_457-1024x712.jpg)