រដ្ឋបាលខេត្តកំពត
Kampot Administrationឯកឧត្ដម ជាវ តាយ អភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តកំពត អញ្ជើញផ្តល់ប័ណ្ណសរសើរ និងថវិកា ដល់រដ្ឋបាលក្រុង ស្រុក ដែលរដ្ឋបាលឃុំសង្កាត់ និងប៉ុស្តិ៍នគរបាល មានស្នាដៃល្អ ក្នុងការអនុវត្តគោលនយោបាយភូមិ ឃុំមានសុវត្ថិភាព
រសៀល.ថ្ងៃអង្គារ ២រោច ខែចេត្រ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ៣០ ខែ មីនា ឆ្នាំ២០២១ ឯកឧត្ដម ជាវ តាយ អភិបាល នៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តកំពត អញ្ជើញផ្តល់ប័ណ្ណសរសើរ និងថវិកា ដល់រដ្ឋបាលក្រុង ស្រុក ដែលរដ្ឋបាលឃុំសង្កាត់ និងប៉ុស្តិ៍នគរបាល មានស្នាដៃល្អ ក្នុងការអនុវត្តគោលនយោបាយភូមិ ឃុំមានសុវត្ថិភាព។ ពិធីនេះប្រារព្ធធ្វើនៅសាលាខេត្តកំពត ដោយមានការចូលរួមពី ឯកឧត្តម លោកជំទាវ អភិបាលរងខេត្ត កងកម្លាំងទាំងបី លោក លោកស្រីអភិបាលក្រុង ស្រុកទាំង៨។
នៅក្នុងពិធីប្រគល់ប័ណ្ណសរសើរ និងថវិកានេះ ឯកឧត្តម ជាវ តាយ បានថ្លែងអំណរគុណចំពោះសមត្ថកិច្ចក្នុងមូលដ្ឋានទាំងអស់បានសហការល្អជាមួយអាជ្ញាធរភូមិ-ឃុំ បានរួមគ្នាចូលរួមថែរក្សានូវសុខសន្តិភាព ស្ថេរភាពនយោបាយ សណ្តាប់ធ្នាប់ ការបង្ការ និងទប់ស្កាត់បានទាន់ពេលវេលា រាល់បទល្មើសនានា ជាពិសេសការងារពាក់ព័ន្ធទៅនឹងគោលនយោបាយភូមិ ឃុំមានសុវត្ថិភាព។
សូមជម្រាបថាខេត្តកំពត មាន៩៣ឃុំ សង្កាត់ ក្នុងនោះ
-ជ័យលាភីលេខ១ ចំនួន ៨៤ឃុំ សង្កាត់ ក្នុងនោះ១ឃុំសង្កាត់ ទទួលបានប័ណ្ណសរសើរ និងថវិកា១លានរៀល (រួមគ្នាទាំងរដ្ឋបាលឃុំ សង្កាត់ និងប៉ុស្តិ៍នគរបាល)
-ជ័យលាភីលេខ២ ចំនួន ៩ឃុំសង្កាត់ ក្នុងនោះ១ឃុំសង្កាត់ ទទួលបានប័ណ្ណសរសើរ និងថវិកា៦៥ម៉ឺនរៀល (រួមគ្នាទាំងរដ្ឋបាលឃុំ សង្កាត់ និងប៉ុស្តិ៍នគរបាល)
*ថវិកាសរុបចំនួន ៨៩.៨៥០.០០០រៀល ៕
