រដ្ឋបាលខេត្តកំពត

Kampot Administration

ឯកឧត្តម ជាវ តាយ អភិបាល នៃគណ:អភិបាលខេត្តកំពត ដាក់បទបញ្ជាដល់សមត្ថកិច្ច និងអាជ្ញាធរឈរជើងនៅតាមបណ្តាច្រកទ្វារជាប់ព្រំដែនកម្ពុជា-វៀតណាមទាំងអស់ ត្រូវរឹតបណ្តឹង និងចាត់វិធានម៉ឺងម៉ាត់លើការទប់ស្កាត់ និងបង្ការការនាំចូលវីរុសកូវីដ-១៩ ចូលមកក្នុងប្រទេសកម្ពុជា

ដោយ savuthចំនួនទស្សនា (34)

នៅថ្ងៃទី ០៥ ខែ កុម្ភៈ ឆ្នាំ២០២១ ឯកឧត្តម អភិបាលនៃគណ:អភិបាលខេត្តកំពត បានដឹកនាំកិច្ចប្រជុំជាបន្ទាន់មួយ នៅទីស្នាក់ការច្រកទ្វារអន្តរជាតិព្រែកចាក ដោយមានការចូលរួមពី ឯកឧត្តម អភិបាលរងខេត្ត កងកម្លាំងទាំងបី អភិបាលស្រុក ប្រធានមន្ទីរ អង្គភាពពាក់ព័ន្ធ និងកងកម្លាំងឈរជើងតាមខ្សែបន្ទាត់ព្រំដែន ដើម្បីអនុវត្តតាមបទបញ្ជាដ៏មុតស្រួចរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ក្នុងការទប់ស្កាត់ការនាំចូលវីរុសកូវីដ-១៩ ចូលក្នុងប្រទេស។

ថ្លែងនៅក្នុងកិច្ចប្រជុំនេះ ឯកឧត្តម ជាវ តាយ អភិបាលខេត្ត បានដាក់បទបញ្ជា៖

  • ឲ្យសមត្ថកិច្ចមានវិធានការម៉ឺងម៉ាត់ និងទប់ស្កាត់ប្រជាពលរដ្ឋប្រទេសកម្ពុជាចេញទៅប្រទេសវៀតណាម និងចំពោះប្រជាពលរដ្ឋខ្មែរវិលត្រលប់មកវិញ ព្រមទាំងប្រជាជនវៀតណាមចូលមកកម្ពុជាត្រូវធ្វើចត្តាឡីស័កជាដាច់ខាត ដោយគ្មានការលើកលែងនោះឡើយ។
  • លើសពីនេះទៀត ឯកឧត្តម បានដាក់បញ្ជាឲ្យសមត្ថកិច្ចរឹតបន្តឹងហាមឃាត់មិនឲ្យមានការលួចចេញចូលតាមបណ្តាច្រករបៀងទាំងអស់ ជាពិសេសព្រំដែនទឹកក៏ត្រូវមានវិធានការម៉ឺងម៉ាត់ផងដែរ។
  • រីឯរាល់ទំនិញចេញចូលត្រូវដំណើរការធម្មតា ប៉ុន្តែត្រូវត្រួតពិនិត្យ ឲ្យត្រឹមត្រូវតាមការណែនាំរបស់ក្រសួងសុខាភិបាល៕
បណ្ណាល័យព័ត៌មាន
សេវាពេញនិយម
សេវាថ្មីៗ
ប៉ូលីស117
អគ្គីភ័យ666
សង្គ្រោះ119
H1N1 Hotline 012 488 981
012 836 868
KAMPOT PROVINCE WEATHER
ព័ត៌មានជាប់ទាក់ទង

លេខ៧៣៥ ភូមិ១ ឧសភា សង្កាត់កំពង់កណ្តាល ក្រុងកំពត ខេត្តកំពត

អ៊ីមែល : info@kampot.gov.kh

លេខទូរស័ព្ទ : (+855)33 932 894

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពត

កែប្រែចុងក្រោយ : 10 ម៉ោងមុន