រដ្ឋបាលខេត្តកំពត

Kampot Administration

រដ្ឋបាលខេត្តកំពតរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត នៅស្រុកឈូក ខេត្តកំពត

ដោយ savuthចំនួនទស្សនា (100)

ព្រឹកថ្ងៃព្រហស្បតិ៍ ០៧រោច ខែមាឃ ឆ្នាំជូត ទោស័ក ព.ស២៥៦៤ ត្រូវនឹងថ្ងៃ០៤ ខែកុម្ភះ ឆ្នាំ២០២១ រដ្ឋបាលខេត្តកំពតបានរៀបចំវេទិការផ្សព្វផ្សាយពិគ្រោះយោបល់របស់ក្រុមប្រឹក្សាខេត្តអាណត្តិទី៣ ក្រោមអធិបតីភាព ឯកឧត្តម ជឹង ផល្លា ប្រធានក្រុមប្រឹក្សាខេត្តកំពត
ដោយមានការអញ្ជើញចូលរួមពី ឯកឧត្តម លោកជំទាវ សមាជិកប្រឹក្សាខេត្ត គណៈអភិបាលខេត្ត មន្ទីរ អង្គភាពជុំវិញខេត្ត ក្រុមប្រឹក្សាស្រុក គណៈអភិបាលស្រុក ការិយាល័យជុំវិញស្រុក កងកម្លាំងទាំង៣ និងប្រជាពលរដ្ឋ សរុបប្រមាណជា ៣៤៥នាក់ ស្រី ១២៨នាក់។

វេទិកានេះមានគោលបំណង ៖
បង្កើតបាននូវវប្បធម៌នៃការពិភាក្សា និងលើកកម្ពស់គណនេយ្យភាពតាមបែបប្រជាធិបតេយ្យតាមរយះ
-ផ្តល់ព័ត៌មានអំពីសមិទ្ធិផលរបស់រដ្ឋបាលខេត្ត ដែលសម្រេចបានក្នុងឆ្នាំ២០២០ និងផែនការសកម្មភាពជាអាទិភាពបន្ត
-រាយការណ៍អំពីលទ្ធផល ដែលរដ្ឋបាលខេត្ត បានអនុវត្តឆ្លើយតបនឹងបញ្ហា សំណូមពររបស់ប្រជាពលរដ្ឋ ដែលបានលើកឡើងក្នុងអង្គវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត ឆ្នាំ២០១៩
-ពិភាក្សា រិះរកដំណោះស្រាយរួមគ្នាលើប្រធានបទជាក់លាក់ ដែលជាបញ្ហាប្រឈមមិនទាន់បានដោះស្រាយ នៅតាមមូលដ្ឋាន ។

តាមរយៈអង្គការវេទិកានាព្រឹកនេះ បានពិនិត្យឃើញថាមានការចូលរួមមតិយោបល់របស់បងប្អូនប្រជាពលរដ្ឋបានយ៉ាងផុលផុស បង្ហាញពីស្មារតីចូលរួម និងទទួលខុសត្រូវក្នុងការអភិវឌ្ឍន៍មូលដ្ឋានរបស់យើងទាំងអស់គ្នា។ ជាក់ស្តែង ជាលទ្ធផលនៅឆ្នាំ២០១៩ សំណូមពរសរុបមានចំនួន ២៤ករណី

  • ដោះស្រាយរួច ២២ករណី
  • កំពុងដោះស្រាយ ០២ករណី
  • មិនទាន់ដោះស្រាយ គ្មាន
    សូមញ្ជាក់ថា៖ លទ្ធផលនៃការឆ្លើយតបដោះស្រាយក្នុងអង្គវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត ឆ្នាំ២០១៩ ស្រុកឈូក មាន ២៤សំណូមពរ រដ្ឋបាលខេត្តបាន ដោះស្រាយរួច ២២ ករណី។

ពាក់ព័ន្ធនឹងការលើកឡើងនៅក្នុងអង្គវេទិកាឆ្នាំ២០២០នេះ របស់ស្រុកឈូក មានសំណូមពរ និងបញ្ហាប្រឈមរបស់ប្រជាពលរដ្ឋសរុបចំនួន ១៦នាក់ ភាគច្រើនពាក់ព័ន្ធសំណូមពរ បញ្ហាបង្គោលអគ្គិសនី បញ្ហាស្នើសុំបណ្ណកម្មសិទ្ធិដីធ្លី , ការស្នើសុំជួសជុល កសាងផ្លូវ និងប្រព័ន្ធធារាសាស្រ្ត។ ជាលទ្ធផល សំណូមពរសរុបចំនួន ៣១សំណូមពរ ត្រូវបានឆ្លើយបំភ្លឺទាំង ៣១សំណូមពរ។ រដ្ឋបាលខេត្ត បានជម្រុញដល់មន្ទីរជំនាញ និងអ្នកពាក់ព័ន្ធ ធ្វើការពិនិត្យសិក្សាបច្ចេកទេសសិន នឹងដោះស្រាយតាមយន្តការផ្សេងៗ តាមតម្រូវការជាក់ស្តែងរបស់ប្រជាជន។

បណ្ណាល័យព័ត៌មាន
សេវាពេញនិយម
សេវាថ្មីៗ
ប៉ូលីស117
អគ្គីភ័យ666
សង្គ្រោះ119
H1N1 Hotline 012 488 981
012 836 868
KAMPOT PROVINCE WEATHER
ព័ត៌មានជាប់ទាក់ទង

លេខ៧៣៥ ភូមិ១ ឧសភា សង្កាត់កំពង់កណ្តាល ក្រុងកំពត ខេត្តកំពត

អ៊ីមែល : info@kampot.gov.kh

លេខទូរស័ព្ទ : (+855)33 932 894

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពត

កែប្រែចុងក្រោយ : 9 ម៉ោងមុន