រដ្ឋបាលខេត្តកំពត

Kampot Administration

កិច្ចប្រជុំបូកសរុបលទ្ធផលការងារសម្រេចបានឆ្នាំ២០២០ និងផែនការអនុវត្តបន្តឆ្នាំ២០២១ របស់ សាខាកាកបាទក្រហមកម្ពុជា ខេត្តកំពត

ដោយ savuthចំនួនទស្សនា (37)

រសៀលថ្ងៃចន្ទ ៤រោច ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី ០១ ខែ កុម្ភៈ ឆ្នាំ២០២១ ឯកឧត្តម ជាវ តាយ អភិបាលនៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជា ខេត្តកំពត បានដឹកនាំកិច្ចប្រជុំបូកសរុបលទ្ធផលការងារសម្រេចបានឆ្នាំ២០២០ និងផែនការអនុវត្តបន្តឆ្នាំ២០២១ របស់សាខាកាកបាទក្រហមកម្ពុជា ខេត្តកំពត នៅសាលប្រជុំទុរេន សាលាខេត្តកំពត។

អញ្ជើញចូលរួមក្នុងកិច្ចប្រជុំនេះរួមមាន៖
ឯកឧត្តម លោកជំទាវ លោក លោកស្រី សមាជិក សមាជិកា គណៈកម្មាធិការសាខា ប្រធានកិត្តិយស អនុសាខាក្រុង -ស្រុក ប្រធានគណៈកម្មាធិការអនុសាខាក្រុង-ស្រុក ក្រុមប្រតិបត្តិសាខា សរុប ៣៧នាក់។

ឯកឧត្តម ប្រធានគណៈកម្មាធិការសាខាកាកបាទក្រហមកម្ពុជា ខេត្តកំពត បានមានប្រសាសន៍ថា៖ ក្នុងនាមគណៈកម្មាធិការសាខាកាកបាទក្រហមកម្ពុជាខេត្តកំពត សូមថ្លែងអំណរគុណយ៉ាងជ្រាលជ្រៅចំពោះសប្បុរសជនទាំងអស់ គណៈកម្មាធិការអនុសាខាក្រុងស្រុក ដែលបានខិតខំកៀរគរប្រមូលថវិកាសម្រាប់ទិវា ៨ឧសភា បានច្រើនគួរជាទីមោទនៈ បើទោះជាយើងមិនបានរៀបចំពិធីក៏ដោយ។

ជាគោលការណ៍យើងត្រូវបំពាក់កន្សែង ជូនយុវជនកាកបាទក្រហមជំនាន់ក្រោយ សម្រាប់បន្តវេន ដូចនេះស្នើសុំឲ្យក្រុងស្រុករៀបចំបញ្ជីឈ្មោះយុវជនទាំងនោះ ដើម្បីរៀបចំពិធីបំពាក់កន្សែងរួមគ្នា។

សូមគ្រប់អនុសាខាក្រុងស្រុកទាំងអស់ បញ្ជូនរូបភាព និងវីដេអូ មកសាខា ដើម្បីផ្សព្វផ្សាយនូវសកម្មភាពទាំងឡាយដែលអនុវត្ត។

នៅថ្ងៃទី៨ឧសភា ខាងមុខ សូមអនុសាខាក្រុងស្រុកទាំងអស់ ពិនិត្យលទ្ធភាព សប្បុរសជន ដែលត្រូវផ្តល់ជូនគណៈកិត្តិយសជូន ពិសេសក្រុមប្រតិបត្តិត្រូវរៀបចំបញ្ជីឈ្មោះ និងរបាយការណ៍ឲ្យបានឆាប់រហ័សមុនពេលរៀបចំពិធី៕

បណ្ណាល័យព័ត៌មាន
សេវាពេញនិយម
សេវាថ្មីៗ
ប៉ូលីស117
អគ្គីភ័យ666
សង្គ្រោះ119
H1N1 Hotline 012 488 981
012 836 868
KAMPOT PROVINCE WEATHER
ព័ត៌មានជាប់ទាក់ទង

លេខ៧៣៥ ភូមិ១ ឧសភា សង្កាត់កំពង់កណ្តាល ក្រុងកំពត ខេត្តកំពត

អ៊ីមែល : info@kampot.gov.kh

លេខទូរស័ព្ទ : (+855)33 932 894

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពត

កែប្រែចុងក្រោយ : 11 ម៉ោងមុន