រដ្ឋបាលខេត្តកំពត
Kampot Administrationថ្នាក់ដឹកនាំខេត្ត បានអញ្ជើញចុះពិនិត្យ ស្វែងយល់ និងវាយតម្លៃផលប៉ះពាល់ដោយសារជំនន់ទឹកភ្លៀងក្នុងឃុំស្តេចគង់ខាងជើង ស្រុកបន្ទាយមាសខេត្តកំពត
ព្រឹកថ្ងៃចន្ទ ៣កើត ខែកត្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ១៩ ខែតុលា ឆ្នាំ ២០២០ ឯកឧត្តម ជាវ តាយ អភិបាលនៃគណៈអភិបាលខេត្តកំពត និងជាប្រធានគណៈកម្មការគ្រប់គ្រងគ្រោះមហន្តរាយខេត្ត ឯកឧត្តម ជឹង ផល្លា ប្រធានក្រុមប្រឹក្សាខេត្ត អមដំណើរដោយ ឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត កងកម្លាំងប្រដាប់អាវុធ អភិបាលស្រុកបន្ទាយមាស អជា្ញធរឃុំពាក់ព័ន្ធ បានអញ្ជើញចុះពិនិត្យ និងស្វែងយល់ពីស្ថានភាពជំនន់ទឹកភ្លៀង និងផលប៉ះពាល់ដោយទឹកជំនន់នៅក្នុងភូមិសាស្ត្រឃុំ ស្តេចគង់ខាងជើង និងបានបន្តដំណើរទៅពិនិត្យទីតាំងសម្រាប់ត្រៀមផ្តល់ស្បៀងជូនគ្រួសាររងផលប៉ះពាល់ដោយទឹកជំនន់ នៅឃុំវត្តអង្គខាងត្បូង ស្រុកបន្ទាយមាស ខេត្តកំពត ។
ការពិនិត្យជារួមស្ថានភាពជំនន់ទឹកភ្លៀងនេះមិនមានផលប៉ះពាល់ខ្លាំងដល់បងប្អូនប្រជាពលរដ្ឋឡើយ ដោយមានការលិចផ្ទះសំបែង និងស្រែរបស់បងប្អូនប្រជាពលរដ្ឋក្នុងរយៈពេលខ្លី នៅពេលដែរទឹកភ្លៀងហូរចូលទៅដៃសមុទ្រតាមរយៈការបើកទ្វារទឹក តន់ហន់ អស់ ស្ថានភាពបងប្អូនប្រជាពលរដ្ឋនិងវិលមករកស្ថានភាពធម្មតាវិញ ។ តាមការពិនិត្យជាក់ស្តែងប្រជាពលរដ្ឋដែលរងផលប៉ះពាល់តិចតួចពីទឹកជំនន់មានចំនួន ១០៣០គ្រួសារ ដែលនឹងត្រូវបានទទួលអំណោយពីរដ្ឋបាលខេត្ត និងសាខាកាកបាទក្រហមខេត្តកំពត ក្រោមអធិបតីភាព ឯកឧត្តមបណ្ឌិត ប៉ែន ស៊ីម៉ន អ្នកតំណាងរាស្ត្រមណ្ឌលកំពត នៅថ្ងៃទី ២១ ខែ តុលា ឆ្នាំ ២០២០ស្ថិតនៅឃុំវត្តអង្គខាងត្បូង ស្រុកបន្ទាមាស ៕
ព័ត៌មានជាប់ទាក់ទង
ថ្ងៃព្រហស្បតិ៍, 4 ខែមីនា, 2021
ថ្ងៃព្រហស្បតិ៍, 4 ខែមីនា, 2021
ថ្ងៃពុធ, 3 ខែមីនា, 2021
ថ្ងៃអង្គារ, 2 ខែមីនា, 2021
ថ្ងៃចន្ទ, 1 ខែមីនា, 2021
ថ្ងៃចន្ទ, 1 ខែមីនា, 2021
ថ្ងៃអាទិត្យ, 28 ខែកុម្ភៈ, 2021
ថ្ងៃសៅរ៍, 27 ខែកុម្ភៈ, 2021