![](https://asset.cambodia.gov.kh/provincial/sites/4/2022/02/IMG_20220222_163127_756-1024x694.jpg)
រសៀលថ្ងៃអង្គារ ៦រោច ខែមាឃ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២២ ខែកុម្ភៈ ឆ្នាំ២០២២ នៅសាលាខេត្តកំពត មានរៀបចំពិធីប្រកាសផ្ទេរភារកិច្ចប្រធានទីស្នាក់ការច្រកទ្វារព្រំដែនអន្តរជាតិព្រែកចាក ក្រោមអធិបតីភាព ឯកឧត្តម សេង សិរីបុត្រ អភិបាលរងខេត្ត តំណាងឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត។
ពិធីនារសៀលនេះមានការអញ្ជើញចូលរួមពី លោកនាយករដ្ឋបាលសាលាខេត្ត លោកប្រធានលេខាធិការដ្ឋានសាលាដំបូងខេត្ត លោកស្នងការរង លោកមេបញ្ជាការរងកងកម្លាំងទាំងបីប្រភេទ លោក លោកស្រីប្រធាមមន្ទីរ អង្គភាពជុំវិញខេត្ត លោកអភិបាលស្រុកកំពងត្រាច លោក លោកស្រីនាយក នាយករងទីចាត់ការ និងប្រធានអនុប្រធានអង្គភាពចំណុះសាលាខេត្ត លោកប្រធានទីស្នាក់ការត្រួតពិនិត្យច្រកទ្វារទ្វេរភាគី ច្រកទ្វារកំពង់ផែសមុទ្រចំណុះសាលាខេត្ត កម្លាំងឈរជើងនៅទីស្នាក់ការត្រួតពិនិត្យច្រកទ្វារអន្តរជាតិព្រែកចាក។
យោងប្រកាសលេខ ៣៣៤ ប្រក ចុះថ្ងៃទី២៧ ខែមករា ឆ្នាំ២០២២ របស់ក្រសួងមហាផ្ទៃ ត្រូវបានផ្ទេរភារកិច្ច លោក ង៉ែត សាវឿន ពីប្រធានទីស្នាក់ការត្រួតពិនិត្យច្រកទ្វារព្រំដែនអន្តរជាតិព្រែកចាក ស្រុកកំពង់ត្រាច នៃខេត្តកំពត ឲ្យទៅបម្រើការងារនៅអង្គភាពដើមវិញ។ ប្រគល់ភារកិច្ច ជូន លោក អ៊ុង ថុនា ជាប្រធានទីស្នាក់ការត្រួតពិនិត្យច្រកទ្វារព្រំដែនអន្តរជាតិព្រែកចាក ស្រុកកំពង់ត្រាច នៃខេត្តកំពត។
មានប្រសាសន៍ផ្តាំផ្ញើក្នុងឱកាសនោះ ឯកឧត្តម សេង សិរីបុត្រ បានបញ្ជាក់ថា ខ្ញុំសូមធ្វើការកោតសរសើរ និងវាយតម្លៃខ្ពស់ចំពោះលទ្ធផលការងារ ដេលលោកប្រធានទីស្នាក់ការចាស់ អនុវត្តបានយ៉ាងល្អប្រសើរនាពេលកន្លងមក។ សូមប្រធានទីស្នាក់ការដែលទើបទទួលបានការតែងតាំងថ្មី និងប្រកាសចូលកាន់មុខតំណែងនាពេលនេះ ត្រូវបន្តបេសកកម្ម ចូលរួមសហការ ជាពិសេសត្រូវខិតខំពង្រឹងការសាមគ្គីភាព ឯកភាពផ្ទៃក្នុង គោរពតាមឋានានុក្រមដឹកនាំ ស្របតាមការបែងចែកតួនាទីភារកិច្ច ទទួលខុសត្រូវឲ្យបានល្អ បន្តកិច្ចសហការល្អជាមួយប្រទេសជិតខាង រួមសហការបង្ក្រាបបទល្មើសសេដ្ឋកិច្ច និងបទល្មើសនានាតាមបន្ទាត់ព្រំដែន និងសូមឲ្យមន្ទីរអង្គភាពជុំវិញខេត្ត អាជ្ញាធរដែនដីគ្រប់លំដាប់ថ្នាក់នៅស្រុកកំពង់ត្រាច មន្ត្រីរាជការ កងកម្លាំងប្រដាប់អាវុធ ដែលប្រចាំការនៅច្រកទ្វារព្រំដែនអន្តរជាតិព្រែកចាក សូមផ្តល់នូវកិច្ចគាំទ្រសហប្រតិបត្តិការ ដើម្បីរួមគ្នាថែរក្សាការពារសន្តិសុខ សណ្តាប់ធ្នាប់ នៅតំបន់ព្រំដែនឲ្យមនាសន្តិភាព មិត្តភាពសហប្រតិបត្តិការ និងការអភិវឌ្ឍន៍ និងខិតខំប្រមែប្រមូលពន្ធគយ និងត្រូវពិនិត្យ យកចិត្តទុកដាក់ចំពោះទំនិញខូចគុណភាពគ្រប់ប្រភេទ។
![](https://asset.cambodia.gov.kh/provincial/sites/4/2022/02/IMG_20220222_163130_050-1024x682.jpg)
![](https://asset.cambodia.gov.kh/provincial/sites/4/2022/02/IMG_20220222_163202_822-1024x682.jpg)
![](https://asset.cambodia.gov.kh/provincial/sites/4/2022/02/IMG_20220222_163205_067-1024x682.jpg)
![](https://asset.cambodia.gov.kh/provincial/sites/4/2022/02/IMG_20220222_163208_049-1024x682.jpg)
![](https://asset.cambodia.gov.kh/provincial/sites/4/2022/02/IMG_20220222_163200_907-1024x682.jpg)
![](https://asset.cambodia.gov.kh/provincial/sites/4/2022/02/IMG_20220222_163206_827-1024x682.jpg)
![](https://asset.cambodia.gov.kh/provincial/sites/4/2022/02/IMG_20220222_163156_857-1024x682.jpg)
![](https://asset.cambodia.gov.kh/provincial/sites/4/2022/02/IMG_20220222_163140_384-1024x682.jpg)
![](https://asset.cambodia.gov.kh/provincial/sites/4/2022/02/IMG_20220222_163151_262-1024x682.jpg)
![](https://asset.cambodia.gov.kh/provincial/sites/4/2022/02/IMG_20220222_163212_512-1024x682.jpg)
![](https://asset.cambodia.gov.kh/provincial/sites/4/2022/02/IMG_20220222_163148_527-1024x682.jpg)
![](https://asset.cambodia.gov.kh/provincial/sites/4/2022/02/IMG_20220222_163221_656-1024x654.jpg)
![](https://asset.cambodia.gov.kh/provincial/sites/4/2022/02/IMG_20220222_163226_572-1024x682.jpg)
![](https://asset.cambodia.gov.kh/provincial/sites/4/2022/02/IMG_20220222_163155_031-1024x682.jpg)
![](https://asset.cambodia.gov.kh/provincial/sites/4/2022/02/IMG_20220222_163159_032-1024x616.jpg)
![](https://asset.cambodia.gov.kh/provincial/sites/4/2022/02/IMG_20220222_163152_813-1024x682.jpg)