បន្ទាប់ពីសំណេះសំណាលសាកសួរសុខទុក្ខ និងនាំយកអំណោយមនុស្សធម៌របស់ សាខាកាកបាទក្រហមកម្ពុជាខេត្តកំពត ជូនលោកតា លោកយាយ ជនពិការ ស្ត្រីជួបកង្វះខាតស្បៀង ចំនួន១០៤ គ្រួសារនៅស្រុកបន្ទាយរួចមក នាថ្ងៃដដែលនោះ ឯកឧត្ដម ម៉ៅ ធនិន អភិបាលនៃគណៈអភិបាលខេត្តកំពតបានបន្តអញ្ញើញជាអធិបតីភាពក្នុង ពិធីប្រារព្ធទិវាពិភពលោកប្រយុទ្ធនឹងជំងឺអេដស៍ ១ធ្នូ ២០២១ ក្រោមប្រធានបទ " បញ្ចប់វិសមភាព បញ្ចប់អេដស៍ បញ្ចប់ជំងឺរាតត្បាតជាសកល ដែលធ្វើឡើងនៅសាលាស្រុកអង្គរជ័យ និងបានផ្ដល់នៅស្បៀងនិងថវិកាដល់អ្នកកេីតជំងឺអេដស៍ ចំនួន ១២៥ គ្រួសារ ដែលក្នុងមួយគ្រួសារទទួលបាន អង្ករ២៥គីឡូក្រាម មី១កេស ទឹកត្រី១យួរ ឃីត១ កញ្ចប់ ត្រីខកំប៉ុង១ យួរ ម៉ាស់១កញ្ចប់ និងថវិកា ៥ម៉ឺនរៀល៕
