រដ្ឋបាលខេត្តកំពត

Kampot Administration

ឯកឧត្តម ជាវ តាយ ដឹកនាំកិច្ចប្រជុំចង្អៀតគណ:បញ្ជាការឯកភាពរដ្ឋបាលខេត្តកំពត

ដោយ savuthចំនួនទស្សនា (53)

ព្រឹកថ្ងៃច័ន្ទ​ ៧រោច​ ខែ​ មិគសិរ​ ឆ្នាំជូត​ ទោស័ក​ ព.ស​ ២៥៦៤​ ត្រូវនឹងថ្ងៃទី​ ០៧​ ខែ​ ធ្នូ​ ឆ្នាំ​២០២០​ ឯកឧត្ដម​ ជាវ​ តាយ​ អភិបាលនៃគណ:អភិបាលខេត្តកំពត​ បានដឹកនាំកិច្ចប្រជុំចង្អៀតគណ:បញ្ជាការឯកភាពរដ្ឋបាលខេត្ត​ ដេីម្បីពិនិត្យពិភាក្សាលេីសេចក្តីព្រាងសេចក្តីសម្រេចស្តីពីការបង្កេីតគណ:កម្មការ ទប់ស្កាត់ការរីករាលដាល និងត្រួតពិនិត្យជម្ងឺកូវីត១៩​ និង​ផ្សព្វផ្សាយសារសម្លេងរបស់សម្តេចអគ្គមហាសេនាបតីតេជោ​ ហ៊ុន​ សែន​ នាយករដ្ឋមន្រ្តីនៃព្រះរាជាណាចក្រកម្ពុជា។

សមាសភាពអញ្ជេីញចូលរួមមាន៖​ ឯកឧត្តម​ លោកជំទាវ​អភិបាលរងខេត្ត​ លោកនាយករដ្ឋបាល​ កងកំលាំងទាំង៣​ លោកប្រធានមន្ទីរ​ អង្គភាពពាក់ពន្ធ័ និងលោកអភិបាលក្រុង​ ស្រុកទាំង៨​។

ក្នុងកិច្ចប្រជុំបានបង្កេីតគណ:កម្មការ​ និងអនុណ:កម្មការ នៅតាមបណ្តាក្រុងស្រុកទាំង៨​ ដែលមានអភិបាលរងខេត្តជាប្រធានអនុគណ:កម្មការ មានតួនាទី និងភារកិច្ចដូចខាងក្រោម៖

▪ បន្តរៀបចំត្រួតពិនិត្យមណ្ឌលចត្តាឡីស័ក ០៨ទីតាំង ស្មើនឹង ១៥៨បន្ទប់
▪ ត្រូវចុះពិនិត្យតាមដាន ត្រួតពិនិត្យជាប្រចាំ ទៅតាមទីតាំងដូចជា អាជីវកម្ម សេវាកម្មទេសចរណ៍គ្រប់ប្រភេទ ទីផ្សារ ទីប្រជុំជន គ្រឹះស្ថានសាធារណៈ និងឯកជន គ្រឹះស្ថានសាសនានានា មន្ទីរសម្រាកព្យាបាលជំងឺ កន្លែងសប្បាយ កន្លែងកីឡា និងកន្លែងលក់ដូរគ្រប់ប្រភេទ ដែលស្ថិតក្នុងដែនសមត្ថកិច្ចរបស់ខ្លួន ក្នុងការអនុវត្តនូវវិធានការទប់ស្កាត់ការរីករាលដាល នៃជំងឺកូវីដ-១៩។
▪ ត្រូវចុះអប់រំផ្សព្វផ្សាយ និងណែនាំដល់ម្ចាស់អាជីវកម្ម បងប្អូនប្រជាពលរដ្ឋ អំពីវិធានការអនាម័យ និងការទប់ស្កាត់ ការរីករាលដាលជំងឺកូវីដ-១៩ ដោយរក្សាគម្លាតសុវត្ថិភាពសង្គម តាមវិធានរបស់ក្រសួងសុខាភិបាល នៅតាមមន្ទីរ-អង្គភាព គ្រឹះស្ថានសាធារណៈ និងឯកជន គ្រឹះស្ថានសាសនានានា កន្លែងផ្តល់សេវាគ្រប់ប្រភេទ អាជីវកម្ម សេវាកម្មទេសចរណ៍គ្រប់ប្រភេទ ទីផ្សារ និងកន្លែងលក់ដូរគ្រប់ប្រភេទ។
▪ ក្នុងករណីរកឃើញម្ចាស់ទីតាំងមិនបានបំពេញកាតព្វកិច្ចក្នុងការអនុវត្តវិធានការរបស់ក្រសួងសុខាភិបាល និងរដ្ឋបាលខេត្ត គណៈកម្មការមានសិទ្ធិផ្អាកអាជីវកម្មជាបណ្តោះអាសន្ន។
▪ គណៈកម្មការ អនុគណៈកម្មការ ត្រូវចាត់តាំងកម្លាំងចុះតាមដាន ត្រួតពិនិត្យការអនុវត្តរបស់បងប្អូនប្រជាពលរដ្ឋ ដែលកំពុងអនុវត្តការធ្វើចត្តាឡីស័កនៅតាមផ្ទះ និងនៅមណ្ឌលចត្តាឡីស័ក៕

បណ្ណាល័យព័ត៌មាន
សេវាពេញនិយម
សេវាថ្មីៗ
ប៉ូលីស117
អគ្គីភ័យ666
សង្គ្រោះ119
H1N1 Hotline 012 488 981
012 836 868
KAMPOT PROVINCE WEATHER
ព័ត៌មានជាប់ទាក់ទង

លេខ៧៣៥ ភូមិ១ ឧសភា សង្កាត់កំពង់កណ្តាល ក្រុងកំពត ខេត្តកំពត

អ៊ីមែល : info@kampot.gov.kh

លេខទូរស័ព្ទ : (+855)33 932 894

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពត

កែប្រែចុងក្រោយ : 2 ថ្ងៃមុន