រដ្ឋបាលខេត្តកំពត

Kampot Administration

កិច្ចប្រជុំស្តីពីការកំណត់ព្រំប្រទល់រដ្ឋបាលខេត្ត រដ្ឋបាលក្រុង ស្រុក និងរដ្ឋបាលឃុំ សង្កាត់

ដោយ savuthចំនួនទស្សនា (17)


រសៀលថ្ងៃសុក្រ ៥កើត ខែមិគសិរ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២០ ខែ វិច្ឆិកា ឆ្នាំ២០២០ យោងតាមសេចក្តីណែនាំលេខ ៣២១១ ស.ជ.ណ ចុះថ្ងៃទី ១៣ ខែ វិច្ឆិកា ឆ្នាំ២០២០ របស់ក្រសួងមហាផ្ទៃ ឯកឧត្តម ជាវ តាយ អភិបាល នៃគណៈអភិបាលខេត្តកំពត បានអញ្ជើញដឹកនាំកិច្ចប្រជុំស្តីពីការកំណត់ព្រំប្រទល់រដ្ឋបាលខេត្ត រដ្ឋបាលក្រុង ស្រុក និងរដ្ឋបាលឃុំ សង្កាត់ ដែលមិនទាន់មានភាពច្បាស់លាស់សម្រាប់បម្រើការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ដោយមានការអញ្ជើញចូលរួមពី ឯកឧត្តម អភិបាលរងខេត្ត ប្រធានមន្ទីរអង្គភាពពាក់ព័ន្ធ អភិបាលក្រុង ស្រុក នាយកទីចាត់ការចំណុះសាលាខេត្ត និងមន្ត្រីពាក់ព័ន្ធសរុបចំនួន ៣២ នាក់ ស្រី ០១នាក់ ។

ឯកឧត្តម អភិបាលខេត្ត បានណែនាំដល់គណៈកម្មការអចិន្ត្រៃយ៍ថ្នាក់ខេត្ត ប្រើប្រាស់យន្តការក្រុមការងារខេត្ត ក្រុមការងារក្រុង ស្រុក ដែលមានស្រាប់ ដើម្បីពន្លឿនក្នុងការដោះស្រាយកំណត់ព្រំប្រទល់ឲ្យបានច្បាស់លាស់រវាងរដ្ឋបាលខេត្ត រដ្ឋបាលក្រុង ស្រុក និងរដ្ឋបាលឃុំ សង្កាត់ ត្រូវត្រួតពិនិត្យ ប្រមូលនូវសំណូមពរ បញ្ហាប្រឈមទាំងឡាយដែលពាក់ព័ន្ធនឹងព្រំប្រទល់រដ្ឋបាល និងរៀបចំជាលិខិតមករដ្ឋបាលខេត្តដើម្បីដោះស្រាយ ឬស្នើសុំកិច្ចសហការជាមួយរដ្ឋបាលខេត្តជាប់ព្រំប្រទល់ ដើម្បីឲ្យការងារកំណត់ព្រំប្រទល់រដ្ឋបាលខេត្ត ក្រុង ស្រុក ឃុំ សង្កាត់ សម្រេចបានតាមការណែនាំរបស់ក្រសួងមហាផ្ទៃ ឲ្យរួចរាល់នៅដំណាច់ឆ្នាំ២០២០ ៕

បណ្ណាល័យព័ត៌មាន
សេវាពេញនិយម
សេវាថ្មីៗ
ប៉ូលីស117
អគ្គីភ័យ666
សង្គ្រោះ119
H1N1 Hotline 012 488 981
012 836 868
KAMPOT PROVINCE WEATHER
ព័ត៌មានជាប់ទាក់ទង
ថ្ងៃ​អង្គារ, 24 ខែ​វិច្ឆិកា, 2020

លេខ៧៣៥ ភូមិ១ ឧសភា សង្កាត់កំពង់កណ្តាល ក្រុងកំពត ខេត្តកំពត

អ៊ីមែល : info@kampot.gov.kh

លេខទូរស័ព្ទ : (+855)33 932 894

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកំពត

កែប្រែចុងក្រោយ : 1 ថ្ងៃមុន